Another Aeneid Test Page

This is another test. It needs the QuickTime plug-in for the movie to play. Again, I'm using this to look at playback rates, and synch issues.

The recording is of lines 1 to 33 of Book I of Virgil's Aeneid. I have written and recorded a musical accompaniment to underscore the rhythmic nature of the hexameter, one track for the rhythm and ictus and another to draw attention to the six feet in a line. And, yes, I mean to say "circúm" in the penultimate line here.

Arma virumque cano, Troiae qui primus ab oris
Italiam, fato profugus, Lavinaque venit litora,
multum ille et terris jactatus et alto
vi superum saevae memorem Junonis ob iram;
multa quoque et bello passus, dum conderet urbem,
inferretque deos Latio, genus unde Latinum,
Albanique patres, atque altae moenia Romae.
Musa, mihi causas memora, quo numine laeso,
quidve dolens, regina deum tot volvere casus
insignem pietate virum, tot adire labores
impulerit. Tantaene animis caelestibus irae?
Urbs antiqua fuit, Tyrii tenuere coloni,
Karthago, Italiam contra Tiberinaque longe
ostia, dives opum studiisque asperrima belli;
quam Iuno fertur terris magis omnibus unam
posthabita coluisse Samo; hic illius arma,
hic currus fuit; hoc regnum dea gentibus esse,
si qua fata sinant, iam tum tenditque fovetque.
Progeniem sed enim Troiano a sanguine duci
audierat, Tyrias olim quae verteret arces;
hinc populum late regem belloque superbum
venturum excidio Libyae: sic volvere Parcas.
Id metuens, veterisque memor Saturnia belli,
prima quod ad Troiam pro caris gesserat Argis
necdum etiam causae irarum saevique dolores
exciderant animo: manet alta mente repostum
iudicium Paridis spretaeque iniuria formae,
et genus invisum, et rapti Ganymedis honores.
His accensa super, iactatos aequore toto
Troas, reliquias Danaum atque immitis Achilli,
arcebat longe Latio, multosque per annos
errabant, acti fatis, maria omnia circum.
Tantae molis erat Romanam condere gentem!

Copyright Adrian Mallon Multimedia 2008. You may not copy this page or its components, or embed its contents within another page housed at another location.